Forum motofun.ch

putzfrau · Experte Beiträge: 266

ich fahre en citroën xantia activa mit em 3liter v6 motor. s'geilscht a dem auto isch s'aktivfahrwerk, wo verhinderet, dass sich s'auto neigt i de kurve. so hätmer zimmli go-kart feeling, was s'kurve fahre aagaat. de motor hät es super dräämomänt vo 267Nm und ab 2000 umdräige scho 80% devo... defür suufter zimmli vill... vo nüt chunnt halt nüt...

ich ha mir gseit, solangi jung bi und chöle ha, leischti mir sones "unvernünftigs" auto und wänni dänn familie han, chani immerno irgend en kombi mit chlinem motor poschte...

g'änderet hani bis jetzt mal d'felge, willis gratis vom brüetsch übercho ha. irgendwänn i zuekunft (wänni äntli mal öpis gsee womer würkli gfallt) wirds dänn 17zöller gä mit breitere reife. im momänt sinds halt no 15" mit 205er gümmi. di nöchschte brämsschiibe (sind scho dehei ufem werchbank) sind sottig mit schlitz und löcher, willmer bi de 5-schpeiche-felge halt super inegseet.

da chamer öpis über das super auto läse.

so gseeter ungfäär uus (ha vo mim keis gschiids bild):

und so d'felge:

____________________
wo die kacke dampft ... ist es kalt!