Forum motofun.ch

putzfrau · Experte Beiträge: 266

di körperlich abhängigkeit isch nach öppe 3 täg verbii. bis dänn isch alles duss und de körper bruucht kei nachschub me. usserdem sind di körperliche entzugserschiinige sehr schwach und chönd guet underdrückt werde. vill schlimmer isch di geischtig abhängigkeit. du dörfsch jaa nid dranumeschtudiere, wievillmal dassd jetzt keini chasch rauche willd am ufhöre bisch. genau dänn isches nämmli en verzicht - und simmer mal eerli, verzichte wott keine vo ois. egal wases dänn isch. du muesch dir vornää, dir z'säge, dass du nichtraucher bisch. dänn muesch nämmli uf nüt verzichte. luegsch, dassd eifach immer öpis z'tue häsch und schtudiersch nid am rauche ume. ich als nichtraucher schtudiere ja au nid am rauche ume, drum fäältmer au nüt... wännder nämmli nüt fäält und du uf nüt muesch verzichte fangsch au nid aa umehässele und umezicke (so wie di meischte wo mal grad kei zigi chönd rauche)

du wirsch dich fröge, was ich da am klugscheisse bin als nichtraucher... ganz eifach, mini fründin isch grad am ufhöre und ich mach das alles au mit. sie häts aber eifach, willsi um mich ume garnie uf d'idee bracht wird zum rauche...

____________________
wo die kacke dampft ... ist es kalt!