aus XXeber.com
BBC-nin Azərbaycanda “Bir inqilab necə planlanar” adlı filmi Avropa birincisi olub
BBC-nin
Azərbaycanda 2005-ci ilin noyabrında keçirilən parlament seçkiləri ilə
bağlı “Bir inqilab necə planlanar” adlı sənədli filmi Almaniyanın
Berlin şəhərində keçirilən “Prix Europa 2006” festivalında ən yaxşı
“gündəlik həyatla bağlı film” elan olunub.
Bununla
bağlı tədbir oktyabrın 21-də keçirilib. Sənədli filmi hazırlayan
BBC-nin əslən Özbəkistanlı müxbiri Şahida Tulqanovaya mükafatını Avropa
Şurasının Baş Katibi Terry Davis verib.
Film azərbaycanlı iki gəncin - Murad Həsənli və Emin
Hüseynovun seçkilər ərəfəsindəki sosial-siayasi təşəbbüslərindən
bəhsedir. Filmin rejissoru isə İvan O-Mahoneydir.
Xatırladaq ki, “Bir inqilab necə planlanar” filmi martda
keçirilən “İnsan hüquqları filmləri festivalında” və Kanadanın Toronto
şəhərində keçirilən “Hot Docs” film festivalında da mükafata almışdı.
Qeyd edək ki, filmdə Azərbaycanda keçirilən seçkilərin azad
mühitdə keçirilmədiyi və seçicilərə güc tətbiq edildiyi iddia edilir.