Forum motofun.ch

putzfrau · Experte Beiträge: 266

mini pnöö sind normalerwiis glichmässig abgfaare, will sich uusfahrte und arbetswäg öppe d'waag hebed. wänni mal en pnöö lang wenig uusfahrte mache ischer i de mitti schtärcher abgfahre und wänni grossi uusfahrte mache ischer am rand usse flach und i de mitti no guet. das isch aber nume bi 1komponäntpnöö so. wänns also usse weicher isch hanis usse immer flach und mueses furtrüere wänns i de mitti no guet sind. usserdem chani mit em 1komponänte no jedesmal 30.- schpare.

vill lüüt chönnted vill schpare wänns nid so breiti pnöö würed poschte. de pnöö isch es schtuck günschtiger und de töff laat sich erschno ringer länke. usserdem bruched di wenigschte lüt ihre pnöö bis an rand use. vorallem di breite pnö sind hüffig unbenutzt am rand, wills dänn halt scho rächti schräglage brucht...

ich persönlich schwöre uf de michelin pilot power. vo dem gäbts au no en 2komponänte mit de zuesatzbezeichnig 2ct. de töff fahrt sich wie uf schiene, hät fascht keis ufschtellmomänt bim brämse i de kurve und au bi massiver belaschtig (im schwarzwald oder so

) gitts nume ganz fiini ribbeli am rand. da hani scho anderi pnöö gha wos ganzi fätze usegrisse hät und chli näbedra wieder anegschmolze. de pnö hät am rand usgsee wie grosszügig abkätschet und verschmiert...

____________________
wo die kacke dampft ... ist es kalt!