Forum motofun.ch

putzfrau · Experte Beiträge: 266

du häsch das chli falsch verschtande. es sind nid di einzelne ziile aazluege. vo obe nach abe isch das e algebraischi umformig wo als ergäbnis 2=1 gitt. tatsach isch, dass das unmöglich isch und dass irgendwo en umformigsfääler gmacht worde isch... d'frag isch, wo de fääler passiert. ihr müend vo obe nach abe die umformige naavollzie und oi überlegge öbmer das dörf wo gmacht worde isch...

wiener das mal gleert hät muesmer uf beidne siite vom = s'gliiche mache damit d'gliichig no korräkt isch...

die wo no wänd wiiterprobiere nid wiiterläse... ich schriibe une d'lösig ane... zum aaluege nur de teggscht markiere...

es fangt aa mit: a=b
wänn jetzt uf beidne siite mit a multipliziert gitts: a²=ab
dänn wird uf beidne siite b² subtrahiert: a²-b²=ab-b²jetzt chunnt en mathematische trick. und zwar wird a²-b² nach de 3. binomische formle umgwandlet: (a+b)(a-b) ihr chönd das naarächne indem er die chlammereuusdrück de reihe naa wieder mitenand multipliziered. uf de andere siite wird b uusklammeret. am schluss gitt das: (a+b)(a-b)=b(a-b)
jetzt passiert de fääler. es wird mit (a-b) dividiert. wännmer jetzt mal probehalber e zahl iisetzt gseetmer grad warum: (2-2) gitt 0
egal wasmer iisetzt, dä chlammereuusdruck gitt immer 0. wiemer alli mal gleert händ sind divisione durch 0 nid zuelässig. und das isch de grossi fääler vo dere umformig.

____________________
wo die kacke dampft ... ist es kalt!