Forum motofun.ch

Benu · Erstellt: 11.07.06, 12:35 Betreff: Ferie

Jungs, wo göter so id Ferie???

greez

____________________
Meine Knochen könnt ihr brechen, meinen Glauben nicht, mein Wille ist unantastbar!!

General Schmid · Erstellt: 12.07.06, 18:06 Betreff: Re: Ferie

I ga niene it Ferie blibe daheime u hiufe am Per bure wüsst ni wo häre dasi söt.

Eh mängisch isches daheime scho am schönschte odr was fingit dir?

____________________
Dumm ist der der dummes tut

Dr' OberSimmetaler · Experte Beiträge: 132 Ort: Zweisimmen

Ja deheim isch scho am schönschte aber i ha d schnurre voll muess furt.
Ha ferie nötig. I gha mit mine kollege ä wuche uf rimini. Wird sicheer no luschtig.

Benu wo geisch de du häre???

Ryter Administrator · Erstellt: 12.07.06, 20:15 Betreff: Re: Ferie

I mache eis vom Schönschte wos wahrschinlich git! I hüete zäme mit mir Frau zwöi vo üsne Grosschind. Nächschti Wuche gömer, wes Wätter wott, ä chli mittne is Bündnerland.

U nächhär; ja da wetti mit mir Frou no ä gäbigi Töfftour mache, vilich is Südtirol Richtig Dolomite, weiss es aber no nid gnau, mal luege was ds' Wätter macht bis denn.
Wünsche allne schöni Summerferie.

____________________
Geh oft den Weg zum Haus deines Freundes, denn Unkraut überwuchert sonst den unbenutzten Pfad!

Benu · Erstellt: 13.07.06, 12:27 Betreff: Re: Ferie

I ga 2 wuche nach cavallino (I) ads meer. Ga scho ds 11mau dert härä. När hani no ei wuche ferie zum usruhie. När fat äbä de scho wieder d zuesatzlehr a :-p Aber das geit o schnäu verbi.....

____________________
Meine Knochen könnt ihr brechen, meinen Glauben nicht, mein Wille ist unantastbar!!

putzfrau · Experte Beiträge: 266 Ort: effretikon

ich ha grad d'idee vom hermann und vom benu verbunde. ich bi mit em töff dur d'dolomite uf cavallino. letscht wuche isch das gsi. mittlerwiile bini wieder zrugg und am schaffe. mini eltere sind no deet und am samschtig morge fiilet min brüeder mit sinere daytona dur d'dolomite uf cavallino. isch scho gäbig wämer s'gepäck de eltere chan is auto rüere und dänn gepäcklos mit em töff ane brättere. für de wäg vo winterthur, über de flüala und de ofe, dur s'münschtertal und dur d'dolomite hani öppe 9 schtund brucht. inklusive allne tankstops und äss-/trinkpause. super ischs gsi... mues aber zuegä, dass das nur miteme italienische fahrstil möglich isch. susch hettmer länger...

____________________
wo die kacke dampft ... ist es kalt!

Benu · Erstellt: 13.07.06, 21:18 Betreff: Re: Ferie

Wo genau si dini eutere ds cavallino??

____________________
Meine Knochen könnt ihr brechen, meinen Glauben nicht, mein Wille ist unantastbar!!

putzfrau · Experte Beiträge: 266 Ort: effretikon

im camping "union lido". bin au e wuche deet gsi go zälte. mis zält händs eifach au im auto gha. wos jetzt wieder isch

____________________
wo die kacke dampft ... ist es kalt!

Ryter Administrator · Erstellt: 14.07.06, 10:06 Betreff: Re: Ferie

Hallo Roger, schön di hie a z'träfffe. Bisch wider italienisch gfahre, he!! Ungloublich!
Mit enere Kollegin zäme hani die vorder Woche a eim Tag 9 Päss gmacht, isch mega schön gsi. Fasch so schön: Mi Huft het (allerdings mit enere ghörige Dosierig Schmärzmittel mitgmacht)

I ha scho gschribe, dass ig, wens Wätter hout, i 14 Tag Richtig Dolomite wetti. Chasch mer ä paar Tipps gä? Kensch die Päss?

I kenne i da unde nume: Gavia, Timmelsjoch, Jaufen, Grossglockner, Gerlos, Nockalm, - aber da hets i dä Dolomite ja ganz spezielle Päss. Wo müesst i häre? Mal luege obs möglich wird.
Ä liebe Gruess

____________________
Geh oft den Weg zum Haus deines Freundes, denn Unkraut überwuchert sonst den unbenutzten Pfad!

putzfrau · Experte Beiträge: 266 Ort: effretikon

z'italie muesch ja italienisch fahre, susch wirsch no als vercheershindernis abgschosse

ich bi scho paarmal de passo di rolle gfaare. dä isch no schön. vorallem gseesch uf de passhöchi obe genau a di 3 zinne ane wo so berüemt sind (ussert sie sind grad i de wulche wie dasmal). ufem wäg deet ane chamer vo meran uus über s'gampejoch und de mendelpass. dänn chunntmer zum kalterersee abe, wos dänn grad wiiter gaat richtig rolle. de mendelpass abe, richtig kalterersee, isch aber im momänt bouschtell (also a de pfingschte ischs das gsi - nime aa, das ischs immerno). das heisst, überall chli chiis und dräck. aber mit de nötige vorsicht ohni problem z'meischtere. und suscht nimmsch eifach e charte vo säbere gägend und luegsch wos kurve hät. wiit ume muesch nid sueche. landschaftlich isch sowieso alles schön...

____________________
wo die kacke dampft ... ist es kalt!