Forum motofun.ch

putzfrau · Experte Beiträge: 266

ich ahn jetzt au mal abgschtumme, obwohl i scho bald fertig bin mit mine dienschttäg und wieder chan abgä. im grundgno wärs kei schlächti sach aber nid i dere form wiemers jetzt händ. s'chas ja nid sii, dass ich all jahr für 3 wuche gange go schlaaffe, frässe, suuffe und dvd luege. s'isch zwar für de momänt luschtig aber wänmer dänkt, was das choschtet. und s'isch genau für nüt. ich bi im wk gsi wo di grosse überschwämmige im ruum luzern, berner oberland und aargau gsi sind. zuefällig simmer grad 2 ortschafte näbedeme überschwämmigsgebiet schtationiert gsi aber mer händ nid dörfe go hälfe. es hät gheisse, das werdi vo bern uus koordiniert und sie heiged kei bedarf a ois. mer sind eifach am erschte wuchenänd in alarmbereitschaft gsi und hetted uf befehl müsse innerhalb vo es paar schtund iirucke. für sicherigsuufgabe im berneroberland (wäge plünderige). aber passiert isch nüt... da chunschder schochli doof vor. dolce vita und rundume versuuffeds i de arbet...
organisatorisch isch de ganz verein e kataschtrofe. was da alles schief lauft passt i kei chuehuut ine. ich dänke das isch es problem vom milizsystem. mer händ zwenig profis im militär. es isch nur sonen hobbyverein wo jede dänkt "wurschtlemer chli öpis, i 3 wuche isches ja sowieso fertig öbmer guet gsi sind oder nid".
ich wär für e bruefsarmee. erschtens wäred dänn nume die deet wo au wänd (vo dene häts gnueg) und zweitens wärs e professionelli sach, wo sich nid jede ufs ändi vom wk froit.
so wies jetzt isch ischs en absolute scheiss...

____________________
wo die kacke dampft ... ist es kalt!