Hallo

I sueche es antivirus programm. Kennt öper eis, wo richtig guet isch? Muess nid zbiligstä si!

Gruess

Hallo Mättu
Da isch Benu Spezialischt: I ha z ganze Noton-Paket druffe, mit beschtem Erfolg, choschtet um di 100 Franke. Irgendwo hets scho ä Bitrag zu dem Thema, lueg mal nache.
Gruess

Hallo herr ryter

I ha itz norton drufe ka. Has guet gfunde. Wo gits das eigentlich zchoufä?

Gruess

Welles heit ihr de genau?

Gruess

I würd lieber Antivir abelade, isch gratis!!! Antivir Version 7

Oder was no besser isch NOD32, muesch aber luege wägder Version! Öbs nume e Teschtversion isch oder ä Einlizenzversion.

Viu Spass!!!

Wed dr NOD32 druftuesch mach mau ä vouscann, dä geit bi mir 6h!!! Het Sache gfunde wo die Angere Software nidesmau gschmöckt hei.

i stimme äm Benu zuä diä zwe antivirä prog si nid schlächt u sie äbe gratis 
i bi nid bsundrigä fründ vo Norten

Gruss
Dr Planer 

Du bisch ja nid emal Fründ vo BMW, wie söttisch de da Fründ vo Norten si...

Auso i empfile z Antivir o.Has o ufem PC u nit problem gha

Zitat: Ryter Administrator


Du bisch ja nid emal Fründ vo BMW, wie söttisch de da Fründ vo Norten si...

wurde das kriegsbeil wieder ausgegraben?

leben und leben lassen

iz zum Thema mi dünkt Antivir guät wüu är het aues wos brucht um virä zerkenne brucht nid zvieu spicher isch gratis u nid schwär zbedienä.

für das wo dr norten cha isch är mir ztür u bruch mir zvieu spicherkapazität wär zwar uf mim PC keis problem aber...

Gruess
Dr Planer

Isch guet, i luege mal was für eis, das i itz nime. Merci!!!!

Gruess

I ha itz mal antivir acheglade. Mal luege wie das es mit dem geit.

Gruess

Auso i ha vori dr antivir düre gla u dä het nüt gfunde. Iz bini dr NOD32 am düre la u dä het scho ä gfährlichi Ad/Malware gfunde!! Has grad chöne lösche, bim antivir chaschse meischtens nume id Quarentäne gheie :-(

____________________
Meine Knochen könnt ihr brechen, meinen Glauben nicht, mein Wille ist unantastbar!!

I ha itz no ä version vo nod32 abeglade. Luege mal was das alles findet.

Gruess

Ha hüt grad vonem kolleg no äs guets antivirus programm übercho. Es ganzes jahr gratis u nid nume so test version. Er seit, das sigi besser als antivir. Mal luege.

Gruess

Bi mir itz voll nid. Hesch öbe nid ä schnelli netz verbindig. I ha gester mi pc uf vire dürschuecht u das programm het einä gfunde vo norton nid gfunde het. Norton isch öbe würcklech nid für viel.

Gruess

Du machs alwä no so lang bis ig das Progrämmli ono abelade. Ig ha bis jitz mit Norton gueti Erfahrige gmacht. Ha aber ds ganze Paket inschtalliert: Antivirus, Firewall, Antispam, usw. o ds Ghost hani. Alles bewährt sich. Wichtig: Fasch täglich macht mis Programm Updates.

Aber äs isch wahrschinlich scho so, mindeschtens zwöi Programm si besser. Zwöi Ougä gseh ja o besser als nume eis!

Meistens geits aber nume eis programm druf zha. Will de übernimmmt eis dufgabe vom anderä ude funktioniert so zäge keis richtig. Bi mir isch uf jede fall itz immer ä meldig cho, will i avast u antivir drufe ka ha. Itz hani nume avast. Dhouptsach isch öbe, das meh eis het. Ihr heit eh nid dr voll pris müessä zahle für norton!

Gruess

Ihr verzellet drum immer, wie ihr als lehrer als viel billiger chönt choufe. Da hani denkt, das heit ihr sicher o über dschuel chöne choufe. Isch denk zeinzigä zahlte programm uf euchem pc?

Gruess

Herr Ryter, aber da müäster de ufpasse mit 2 antivir progs, wöu di chöi de o gägänang schaffe! Bi mir isches e so gsi mitem antivir und em avast, wäg däm isches o langsamer gange. Aber meischtens tuets immer eine abschaute. I ha iz zbsp. momentan 2 drufe, nämlech dr Nod32 und dr antivir u die funze iwandfrei mitenang. Äs isch meischtens ono so dasisech anenang aus virene aluege. Das heisst du bisch am durchsueche und plötzläch gits ä viremäldig, derbi isches nume ä datei vom angere vireprogram.

Mi mues eifach e chli gspüre öbs mit 2ne funz.

PS: Danke für die LAP Vorrübung die heute Abend stattgefunden hat!!!

____________________
Meine Knochen könnt ihr brechen, meinen Glauben nicht, mein Wille ist unantastbar!!

[editiert: 06.06.06, 21:38 von Benu]

A benu

Sälü! Ha ä frag zum avast. Dvirä u alles anderä dueds ja i container, was muesch ner mit dem mache?? Das hani no nid begriffe! Du chasch mir das sicher erkläre.

Huch.....

Ehmmm i ha die immer grad la lösche! U we das nid geit im container de tue dr pc vom netz trenne u när i abgsicherte modus u när geischse dert ga lösche wed weisch wo dr container isch.

I maches immer so, äs isch eifach wichtig dasd ds netz trennisch, wöu da heter o ke zuegriff meh zm houptwurm.

Viel spass......

12 Stück hets gfunde. Ha äs problem mit dem elterä pc. Weni starte de chund es fenster: Windows wird gestartet u das erschient öbä 3 minute u ner chund das fenster wo meh zbenutzerkonto chönti wechsle. Was chani gege das mache? U weni zerstä mal i zinternet wot, geits mega lang. Aber zweite mal geits ner wieder normal. Was isch da los??

Gruess

Tuene mau äbä vom netz trenne u sübere!!! När aber nüm ischtecke, mach när grad no ä windwos scan u när am beschte no grad defragmentiere. Villech hiuft das öpis!

Tschau benu

I ha dr pc mal vom netz trennt u ne so uf virä la prüefä. Was denksch, wie viel hetz itz no gfunde?? Die ander 2 problem hani immer no. Weisch no öbis woni chönti versueche??

Gruess

c format würd ig ersch aus letschti müglechkeit awände u ersch denn we gar nümme z rette isch

free av antivir  im google dä isch gratis und isch sehr gät.